Меч каков што не се гледа секој ден: Челси беше пред лесна победа до 87 минута, а потоа… (Видео)

Фудбалерите на Челси се пласираа во четвртфиналето на Светското клупско првенство.

„Сините“ во осминафиналниот натпревар во Шарлот ја победија Бенфика со резултат 4:1 по продолженија.

Овој натпревар сепак најмногу ќе се памети по прекинот во 87. минута поради невреме околу Шарлот, додека во градот дожд не паднал. Челси водеше со 1:0 и себеси веќе се виде во наредната фаза, играта продолжи по два часа, Бенфика од никаде израмни, се отиде во продолженија, а таму клубот од Лондон се „ресетираше“ и до врв ја наполни мрежата на противникот.

Тука има многу материјал за бројни критичари на ова натпреварување кое е на некој начин и на сила наметнато од страна на ФИФА.

Челси ќе се бори за место во полуфиналето со Палмеирас, кој претходно вечерва го победи Ботафого со 1:0.