Манчестер Сити во проблеми: Халанд поради повреда ја заврши сезоната

Завршницата на сезоната во европските натпреварувања е веќе во тек, а Манчестер Сити во истата ќе биде без нивниот главен стрелец – Ерлинг Халанд.

Во неделата Манчестер Сити го совлада Борнмут во четвртфиналето на ФА Купот и на тој начин влезе во самата завршница на ова натпреварување.

Ерлинг Халанд постигна гол за израмнување (1:1) во 49. минута, а Омар Мармуш го постигна голот за победа и го постави конечниот резултат од 2:1 на семафорот.

Сепак, само 12 минути по постигнатиот гол – Норвежанецот мораше да го напушти теренот и беше заменет од Нико О’Рајли.

Првичните информации беа дека не е сериозна повреда и дека центарфорот ќе може брзо да се врати на зелениот терен.

Сепак, најновите вести велат поинаку. Англиските медиуми сега пренесуваат дека сезоната е завршена за Ерлинг Халанд.

🚨⚠️ Ерлинг Халанд, ќе ги пропушти повеќето од финалната фаза на сезоната поради повреда на зглобот.

Се очекува Халанд да биде во форма да игра во финалните фази на сезоната, вклучително и Светскиот клубски куп.

По првичните тестови денеска, Халанд ќе бара специјализирана консултација. pic.twitter.com/Hjygx4oeLK

— Фабрицио Романо (@FabrizioRomano) 31 март, 2025