Манчестер Сити на убедлив начин ја освои битката со Јувентус за првото место во групата G на Светскиот клупски шампионат, откако комплетно ги надигра и заслужено ги победи “бјанконерите” со 5:2 во Орландо.
Така “граѓаните” најверојатно ќе го избегнат Реал Мадрид на осминафиналите, а противник на кралскиот клуб ќе биде токму Јувентус.
Исхрана, повреди и тренинг – совети од доктор по спортска медицина | Уште еден поткаст
Очекувањата за изедначен натпревар не се остварија, иако дуелот беше впечатлив. Причината за тоа е што тимот на Жосеп Гвардиола имаше многу сериозна доминација во текот на целото време. Жереми Доку го отвори резултатот во деветтата минута, но само две подоцна Тјун Копмајнерс израмни по грешка на Едерсон.
Пјер Калјулу (26′) си постигна автогол, што ја врати предноста на “небесносините”. По паузата Ерлинг Холанд (52′), Фил Фоден (69′) и Савињо (75′) го завршија Јувентус. “Бјанконерите” сепак успеаја да вратат еден гол преку Душан Влаховиќ (84′).
Учество во игри на среќа е дозволено за лица со 18+ години. Играј одговорно!