Манчестер Јунајтед и Тотенхем во трка за данскиот “дијамант” вреден 80 милиони евра

Данскиот играч за врска Мортен Хјулманд се наоѓа на радарот на два англиски клуба – Манчестер Јунајтед и Тотенхем Хотспур.

Според информациите од шпанскиот портал Фичајес, Манчестер Јунајтед и Тотенхем ја разгледуваат можноста за доведување на 25-годишниот фудбалер кој моментално игра за Спортинг од Лисабон.

Хјулманд оваа сезона е еден од најконзистентните играчи во португалската лига. Неговите настапи во средниот ред, особено во дефанзивните задачи, го привлекоа вниманието на скаути од Премиер лигата.

Спортинг е свесен за интересот од Англија, но во моментов не покажува намера да преговара. Хјулманд има договор до 2028 година, а во него постои клаузула за откуп која се проценува на околу 80 милиони евра. Клубот од Лисабон смета дека евентуалната продажба треба да вклучува сума блиска до тој лимит.