Македонската ракометна репрезентација со победа ја заокружи серијата контролни натпревари во пресрет на настапот на Европското првенство, откако денеска беше подобра од екипата на Мјитиланд со убедливи 35-27.
Избраниците на Кирил Лазаров на овој начин во позитивна атмосфера го дочекаа континенталниот шампионат, кој за „црвено-жолтите“ започнува во петок со силен предизвик против домаќинот Данска, селекција што важи за еден од главните фаворити на турнирот.
Street Workout Macedonia – Движење што гради сила, карактер и издржливост | Уште еден поткаст
И покрај тежината на противникот, македонските ракометари најавуваат борбен пристап и максимално залагање на отворањето на првенството.
Во денешниот натпревар најрасположен беше Филип Кузмановски со шест погодоци, додека Митев и Серафимов придонесоа со по пет гола, а Костески четири пати се запиша во листата на стрелци.
Дуелот со Данска е закажан за 20:30 часот, а покрај овие две селекции, во нашата група се наоѓаат и репрезентациите на Португалија и Романија.
Учество во игри на среќа е дозволено за лица со 18+ години. Играј одговорно!