Мајсторски гол на Меси и пласман на Интер Мајами во осминафиналето на Лигата на шампиони на КОНКАКАФ

Фудбалерите на Интер Мајами го победија Спортинг Канзас Сити со 3:1 во реванш натпреварот од 1/16 финале на Лигата на шампионите на КОНКАКАФ. Лионел Меси го одбележа натпреварот со прекрасен гол.

Како и пред шест дена, одличниот Аргентинец постигна гол против Канзас. Овој пат за водство на својот тим, додека во првиот натпревар погоди за победа.

Луис Суарез забележа асистенција, а публиката во Форт Лодердејл можеше уште еднаш да му се поклони на фудбалскиот магионичар, кој игра одлично и на 37 години.

Интер Мајами во осминафиналето ќе игра против Кавалиер од Јамајка. Првиот натпревар е на 5 март, а реваншот е закажан седум дена подоцна.