Ливерпул во длабока криза со три нови негативни рекорди

Поразот на Ливерпул минатиот викенд со 3:0 против Нотингем Форест на „Енфилд“ го турна тимот во нова криза, отворајќи дополнителни прашања за иднината на Арне Слот.

Слот веќе не се обидува само да го спаси шампионот на Премиер лигата од обичен пад, туку мора да пронајде начин повторно да ја придобие довербата на јавноста и навивачите. Изданието на домашен терен против Нотингем Форест беше потсетник за сите за сериозноста на проблемите со кои се соочува Ливерпул.

Она што многумина го сметаа за лоша фаза, надевајќи се на минатогодишниот триумфален поход на Слот кон титулата, сега е превратено во длабока криза за клубот и неговиот тренер. Никој не би рекол дека Слотовата позиција директно е загрозена по неговите минатогодишни успеси наследувајќи го Јирген Клоп. Сепак, суровоста на спортот е таква што сега тој се наоѓа под сериозен притисок да ја смени ситуацијата што се заканува да го задуши „Енфилд“.

Тренерот на Ливерпул, кој и да е, секогаш е под притисок да победува. Овој притисок се зголемува кога тимот претрпе шест порази од последните седум натпревари во домашното првенство. Тоа се исто толку порази како на претходните 58 натпревари. Претрпе порази на две од последните три натпревари на домашен терен, што е ист број како и во претходните 53.

Само втор пат во историјата на Премиер лигата, тимот од „Енфилд“ загуби шест од првите 12 игри. Последен пат тоа се случи во сезоната 2014/15, кога исто така загубија шест натпревари.

Покрај тоа, Ливерпул стана четвртиот шампион во историјата на натреварувањето кој започна сезона со најмалку шест порази во првите 12 натпревари. Претходно, тоа им се случило на Блекбурн во сезоната 1995/96 (шест порази), Челзи 2015/16 (седум порази) и Манчестер сити 2016/17 (шест порази).

Покрај тоа, прв пат од април 1965 година, под водство на легендарниот Бил Шенкли, Ливерпул доживеа два последователни порази со разлика од три или повеќе голови. Сите слабости на тимот станаа очигледни, почнувајќи од примениот гол од Мурило по корнер. Оваа сезона, Ливерпул има примено девет голови од прекини (без пенали), што веќе го изедначи вкупниот број на примени голови од такви ситуации во текот на целата мината сезона.