Ливерпул и Тотенхем влегуваат во битка за потписот на фудбалерот кој ја воодушеви Англија!

Крилниот напаѓач на Борнмут и репрезентативец на Гана, Антоан Семењоо, привлекува внимание од најголемите англиски клубови.

Според извештаите од “talkSPORT”, Ливерпул и Тотенхем сериозно размислуваат да го донесат Семењо веќе во претстојниот трансфер период.

Семењо оваа сезона блеска во дресот на Борнмут. Неговите игри, голови и пробиви на крилото го направија еден од највозбудливите фудбалери во Премиер лигата. До сега има постигнато неколку важни голови и покажал дека е подготвен за поголема сцена.

Борнмут е свесен за големиот интерес за нивниот играч, па во медиумите се говори дека поставиле цена од околу 75 милиони фунти. Тоа би можело да ги обесхрабри помалите клубови, но за Ливерпул и Тотенхем, доколку веруваат дека Семењо е вистинска инвестиција, ова не е пречка.

🚨 Tottenham and Liverpool are both keen on signing Bournemouth and Ghana winger Antoine Semenyo.

(Source: @talkSPORT)

🗣️ Gabriel Agbonlahor: “I look at the league table, and name me a team he doesn’t start for on that left-hand side. Name one.”

“He’s better than [Man City’s… pic.twitter.com/TjJX5r9K35

— Transfer News Live (@DeadlineDayLive) October 18, 2025

Она што го издвојува Семењо е неговата моќ, брзина и способноста да игра на двете крила. Често демонстрира дека има капацитет да носи вистински одлуки во тешки моменти и неговиот врвен перформанс не останува незабележан.

Ливерпул го гледа Семењо како потенцијален наследник за некои од своите напаѓачки звезди. Клубот се подготвува за смена на генерациите во нападот, и овој играч би можел да биде добар дополнителен елемент во системот на Слот.

Тотенхем, пак, создава нов тим под водство на Томас Франк. Данскиот тренер има високо мислење за офанзивни, директни играчи, и Семењо совршено се вклопува во таа филозофија.