Легендарниот Макелеле ја откри својата улога во еден од најдобрите трансфери на Реал

Поранешниот играч од средниот ред на Реал Мадрид, Клод Макелеле, имаше важна улога во еден од најдобрите трансфери на клубот во последната декада. Макелеле неодамна откри дека токму тој разговарал со Антонио Рудигер и му помогнал да ја донесе одлуката за доаѓање во Мадрид. Според неговите зборови, тој го уверил германскиот стопер дека Реал Мадрид е најдобрата опција за продолжување на неговата кариера.

Германскиот репрезентативец се пресели во шпанската престолнина во летото 2022 година. Реал Мадрид го доведе од Челзи како слободен играч, додека пред тоа настапуваше и за Рома. За лондонскиот клуб Рудигер одигра над 200 натпревари во сите натпреварувања и освои многу трофеи, вклучувајќи ја Лигата на шампионите, Европската лига, ФА купот, УЕФА Суперкуп и Светското клубско првенство.

Откако пристигна во Реал Мадрид, 32-годишникот додаде уште неколку големи титули во својата колекција – еднаш ја освои Лигата на шампионите и Ла Лига, а тука се и трофеите од Светското клубско првенство, Кралскиот куп, Суперкупот на Шпанија и два УЕФА Суперкупа.

Макелеле: “Му реков да оди во Мадрид”

“Погледнете го сега во Реал Мадрид. Првото нешто што го направи кога доби прилика да оди во Мадрид беше да ми дојде и да праша: ‘Што мислиш?’ Му реков, трчај, ова е твојата шанса.” Макелеле додаде дека Рудигер имал понуди од други големи европски клубови, но му советувал да го избере Реал Мадрид.

“Имаше понуди од Баерн, ПСЖ… но му реков: ‘Сакаш ли да освојуваш титули? Веќе си освоил некои, имаш сè, но дали навистина сакаш да станеш играч на тоа ниво? Потоа, оди таму, дружи се со големите играчи и ќе разбереш што тоа значи. Среќен сум за него”, раскажа поранешниот играч од средниот ред.