Лапорта договори продажба на фудбалер, но потоа Флик го запре трансферот

Жоан Лапорта во јануари имаше намера малку да го „олесни“ играчкиот кадар и да продаде неколку фудбалери, а еден трансфер веќе беше завршен. Сепак, на крај се вмеша Ханси Флик и реши да ја стопира продажбата на играчот и се покажа дека тоа беше одлична одлука.

Ханси Флик покажа дека во соблекувалната на Барселона направи одлична атмосфера, а иако не сите играчи се задоволни од минутите што ги добиваат, им даде до знаење дека секој од нив ќе добие шанса да се докаже.

Поради тоа тој не сакаше Барселона пред почетокот на сезоната да праќа одредени играчи на позајмица или да ги продаде, и успеа да ги задржи повеќето од нив.

Еден од најдобрите примери како може да се избори за место во екипата е Ерик Гарсија кој неочекувано стана еден од играчите со добра минутажа во вториот дел од сезоната иако беше на излезните врати од клубот.

Интересот за него беше прилично голем, а Барселона во завршницата на јануари договори трансфер на овој 24-годишник во италијанскиот Комо кој беше спремен да плати над седум милиони евра за него.

Барселона и Комо сè завршија, и Гарсија се договори за медицинските прегледи во Италија по што требаше да го потпише договорот. Но, тогаш се вмеша Флик кој изјави дека Гарсија не треба да се продаде и дека му е потребен.

Фото: FC Barcelona/FB