Крај на една уникатна кариера: Се пензионираше фудбалерот кој направи 51 трансфер

По 28 години активна игра, крај на својата кариера стави Џеферсон Луис (46), фудбалер за која многумина можеби не слушнале поради спортски успеси, но чија фудбалска патека претставува вистински феномен во спортската сфера.

Напаѓачот од Доминика ќе остане запаметен како играч кој извршил 51 трансфер и менувал клубови на забележителен начин. Неговата кариера која траеше 28 години немаше стабилност, бидејќи Луис редовно преминуваше од еден клуб во друг на секои шест месеци.

🚨🇩🇲Jefferson Louis retires at 46 after a legendary 29-year career!

⚽️ 42 clubs
🔁 51 transfers
🎯 903 appearances
🇩🇲 1 cap for Dominica

From Oxford United to Thame United, he epitomized the journeyman spirit. Now stepping into coaching at Slough Town. pic.twitter.com/38NljKxjf7

— UEFA Obscura (@UEFAObscura) June 4, 2025

Луис го направи дебито за Рисборо Ренџерс во 1996 година, кога имаше само 17 години, што означи почеток на една фасцинантна фудбалска приказна во пониските нивоа на англиската фудбалска пирамида.

Колку и да е неверојатно, и покрај 51 трансфер, тој никогаш не го напуштил англискиот фудбалски свет. Точно е дека настапуваше во велшките клубови Рексхем и Њупорт, но тие учествуваат во англиските првенства.

The most iconic football career has finally come to an end, GG Jefferson Louis👏 pic.twitter.com/HM61Qk4Blx

— JustLuckyIGuess (@ZachCurtis2) June 4, 2025

Од поистакнатите клубови во минатото, тој се натпреварувал за Оксфорд Јунајтед, Рексхем, Бристол Роверс, Кроули, Линколн, Њупорт и многу други.

Својата кариера ја заврши во нисколигашот Тејм Јунајтед, каде што четири пати се враќаше и на крај доби улога на играч-тренер. Вели дека понатаму ќе продолжи да работи со младите категории.

“Јас бев младо момче со сон и тој сон го остварив. Време е да го завршам ова поглавје. Играв до 46 години и тоа е нешто на што навистина се гордеам. Сега би сакал да уживам во нови можности”, изјави Луис за Би-Би-Си.