Клоп порача дека не е заинтересиран, но Романо тврди: Toј е кандидат за Реал

Чаби Алонсо доби отказ како тренер на Реал. Неговото место го зазеде Алваро Арбелоа, поранешен играч на клубот и досегашен тренер на младинските и резервните тимови на Реал. Арбелоа има договор кој важи и по оваа сезона, но ова му е првпат да води сениорски тим. Според инсајдерите, Арбелоа е само привремено решение и Реал планира летово да доведе искусен и трофеен тренер.

Јирген Клоп (58) ги исполнува критериумите и е голема желба на претседателот на Реал, Флорентино Перес. Клоп пред една и пол година го напушти не само Ливерпул, туку и тренерската работа, поради „исцрпеност“. Од тогаш е глобален директор на фудбал за групацијата Ред Бул, позиција која е со значително помалку стрес од врвниот фудбалски тренинг.

Клоп изјави дека не е заинтересиран за преземање на Реал: „Интерес од Реал? Не ме интересира и тоа нема никаква врска со мене. Оставката на Алонсо е знак дека таму не е сè 100 проценти во ред. Шпанецот е исклучителен тренер, но како наследник на легендата Карло Анчелоти, кој имаше многу специфичен начин на водење на своите тимови, не му беше лесно. Многу ми е жал за него затоа што мислам дека е одличен тренер.“

Фабрицио Романо, еден од најверодостојните извори на фудбалскиот пазар, сепак истакнува: „Доколку Клоп одлучи да се врати на тренерската работа, може да биде кандидат за преземање на Реал во летниот период.“