Како нива: Натпревар во Ла Лига одложен поради ужасниот терен!

Натпреварот меѓу Рајо Ваљекано и Овиедо е одложен поради многу лошата состојба на теренот на стадионот „Ваљекас“.

Според информациите, тимот на Овиедо прв ја изрази загриженоста, бидејќи по пристигнувањето во Ваљекас гостите забележале дека теренот е во лоша состојба и може да предизвика повреди на играчите.

Овиедо во своето соопштение упати поддршка кон Рајо Ваљекано, кои се согласија со одложувањето на натпреварот поради лошата состојба на теренот по обилните дождови и невремето.

Теренот на „Ваљекас“ одамна е познат како најлошиот во Ла Лига, и многу ривали честопати се жалат за неговата состојба и потешкотиите за соодветно натпреварување.

Овој натпревар беше закажан за денес во 14:00 часот, а новиот термин на одигрување ќе биде дополнително објавен.

Погледнете ги фотографиите, навистина е неверојатно дека еден клуб во Ла Лига игра на ваков терен…

Suspendido el Rayo Oviedo pero ASI NOS HICIERON JUGAR A NOSOTROS MIENTRAS SE REIAN:https://t.co/2jSjsDMu3M pic.twitter.com/81pNgCIq5F

— The Observer ⚽ (@Observer_fb) February 7, 2026