Јунајтед го победи Сити, но овој старт ќе биде тема во Англија: Дали Далот требаше да биде исклучен?

Португалскиот дефанзивец Диого Далот изведе груб старт врз Жереми Доку за време на дербито помеѓу клубовите од Манчестеер, но доби само жолт картон.

Во 11-та минута од натпреварот меѓу Јунајтед и Сити, Доку започна контра-напад, но беше спречен од Далот.

Главниот судија на натпреварот Ентони Тејлор веднаш покажа жолт картон, а на успорената снимка се забележуваше како Португалецот својата нога ја крена до висина на коленото на белгискиот репрезентативец.

Се очекуваше реакција од ВАР собата и повик до Тејлор да ја прегледа оваа ситуација, но тоа не се случи и остана првичната одлука за жолт картон.