Изненадување: Клоп може експресно да го напушти Ред Бул и повторно да биде тренер!

Поранешниот тренер на Ливерпул, Јирген Клоп, е сериозен кандидат за тренерската позиција во Реал Мадрид ако Карло Анчелоти добие отказ. За Анчелоти ова е тешка сезона на клупата на Реал, тимот е на второто место во Ла Лига и на работ на испаѓање од Лигата на шампионите уште во четвртфиналето. Вечерва мадридскиот клуб го пречекува Арсенал во реваншот од четвртфиналето. Но, пред нив е речиси невозможна мисија затоа што минатата недела на Емирати биле тешко поразени со 3:0.

Ако испаднат од Европа, како што се очекува, и не успеат да го надоместат заостанувањето од четири бодови зад Барселона во првенството, се претпоставува дека Анчелоти ќе биде сменет. Главен фаворит за преземање на клупата е веќе некое време Чаби Алонсо. Тој, како играч, пет години го носел дресот на Реал, со кој ја освоил Ла Лига во 2012 година, два пати Купот на кралот и Лигата на шампионите во 2014 година.

Минатата сезона освои двојна круна во Германија, Бундеслигата и Купот на Германија, а единствениот пораз го запиша во финалето на Лига Европа. Но, оваа сезона Леверкузен се мачи – моментално заостанува шест бодови зад водечкиот Бајерн.

Во Лигата на шампионите ги надмудрија токму баварците во осминафиналето, а во полуфиналето на германскиот куп испаднаа од третолигашот Арминија Билефелд. Според написите во Спорт, овие резултати отворија прашања за тоа колку е Алонсо всушност подготвен за Реал.

Шпанецот и понатаму сака да го преземе Реал, а челниците на клубот веќе години внимателно го следат. Но, слабата сезона на Леверкузен и желбата на Реал ова лето да направи голем чекор на пазарот за засилувања, предизвикаа сомнежи дали Алонсо е вистинскиот избор.

Наводно идејата за ангажирање на Клоп постојано расте. Луѓето блиски до претседателот Флорентино Перез сметаат дека токму германскиот тренер е единствениот способен да ги реши тактичките проблеми на Реал.

Поранешниот тренер на Ливерпул, наводно би добил “значително повеќе слобода” во водењето на тимот, а како негова предност се истакнува и искуството на работа под голем притисок. Сепак, јасно е дека договорот би било сè, само не едноставен.