Интер договори големо засилување

Напаѓачот на Лил, Џонатан Дејвид е еден од најбараните играчи на пазарот, а најавите се дека кариерата ќе ја продолжи во Интер.

Дејвид веќе неколку сезони игра на врвно ниво и сака да ја промени средината, а веќе влезе во последната година од договорот.

Напаѓачот најави дека нема да ја продолжи соработката и ја игра последната година во Лил, па следното лето ќе биде слободен агент.

Интер ја победил конкуренцијата и постигнал договор со менаџерот. Дејвид бара плата од 6 милиони по сезона и 10 милиони евра при потпис, а „нероаѕурите“ ги прифатиле условите.