Наполи сериозно го активира интересот за македонскиот репрезентативец Елиф Елмас, а според информациите на „Газета дело Спорт“, веќе е испратена и конкретна понуда до РБ Лајпциг.
Италијанскиот клуб планира во првата сезона да го ангажира Елмас како позајмен играч, а потоа да го откупи неговиот договор. Сепак, пречка е сумата која ја нудат – околу 12,5 милиони евра, што е двојно помалку од 25-те милиони што Лајпциг ги плати на Наполи пред година и пол. Германскиот клуб тешко дека ќе се согласи на вакви услови, што може да ја закочи реализацијата на трансферот.
„Без вино, животот би бил…“ – искрен разговор со енологот Теодор Бојаџиев
„Мисијата ќе биде комплицирана, но во фудбалот никогаш не треба да се каже никогаш“, пишува италијанскиот весник.
Доколку дојде до договор, Наполи би била идеална дестинација за Елмас – градот и тимот му се добро познати од неговата претходна авантура таму. Како што преодниот рок влегува во завршната фаза, наскоро ќе биде познато дали македонскиот ас повторно ќе го облече сино-белиот дрес на клубот од „Сан Паоло“.
Учество во игри на среќа е дозволено за лица со 18+ години. Играј одговорно!