Фудбалската асоцијација на Англија (ФА) потврди дека е покрената дисциплинска постапка против Михајло Мудрик, играчот на Челзи, поради прекршување на антидопинг правилата.
Во краткото известување, ФА спомена дека станува збор за забранета супстанца, но нема да обезбедува дополнителни информации во подолг период.
Јосиф Дамјанов: Како да изградиш бренд што менува животи! 🚀💡 ↓↓↓
Иако процедурите официјално започнаа дури сега, Мудрик е отсутен од терените од декември, кога рутински тест откри присуство на мелдонијум. Резултатот беше потврден и со Б примерок, по што Украинецот не се појави на натпревар за Челзи.
Можна казна од четири години
Според правилата на ФА, најтешката казна за користење на забранети супстанции може да достигне четири години суспензија, доколку се утврди намерна употреба. Сепак, казната може да биде намалена ако се докаже дека станува збор за ненамерна контаминација.
Мудрик изрази “шок” по веста и отфрли дека свесно користел било какви средства, посочувајќи дека евентуалната контаминација се случила додека бил на обврски со украинската репрезентација, а не под надзор на Челзи.
За да се одбрани, Мудрик ангажираше позната адвокатска фирма Morgan Sports Law, специјализирана за спортско право. Тие успеаја да ја намалат казната на Пол Погба од четири на 18 месеци, што буди надежи и за Мудрик во оваа ситуација.
Учество во игри на среќа е дозволено за лица со 18+ години. Играј одговорно!