Ибрахимовиќ им одржал лекција на Консеисао и Калабрија по скандалот против Парма

Италијанскиот печат денес пренесува повеќе детали за недоразбирањата помеѓу тренерот на Милан, Сержио Консеисао, и дефанзивецот Давиде Калабрија на крајот од натпреварот против Парма (3:2), истакнувајќи дека Златан Ибрахимовиќ морал да интервенира за да се смират работите.

Португалскиот тренер и капитенот на Милан за малку не се пресметале физички на крајот од натпреварот, а поранешниот шведски играч, сега менаџер на Милан, директно отиде во соблекувалната по јавното несогласување на тренерот и играчот, и ги „построи“ за да одржат разговор.

Davide Calabria speaks after #MilanParma 🗣️#SempreMilan pic.twitter.com/SOvT826jL3

— AC Milan (@acmilan) January 26, 2025

Ибрахимовиќ пo скандалот ги испрати Калабрија и Консеисао да разговараат со новинарите, за да спречи ескалација на проблемот, а потоа самиот разговарал со Консеисао добри 30 минути, поради што португалскиот тренер задоцни на прес-конференцијата.

Првично се зборуваше дека на Консеисао не му се допаднала реакцијата на Калабрија по измената, но италијанските медиуми наведуваат дека бесот на тренерот настанал поради коментарите на играчот за време на славењето на тимот.

Во секој случај, Калабрија го направи тоа што го побараше од него Ибрахимовиќ, разговараше со новинарите и се обиде да ги смират работите.

Post-match reaction from Sérgio Conceição 🎙️#MilanParma #SempreMilan pic.twitter.com/7MLahRXfaS

— AC Milan (@acmilan) January 26, 2025

“Искрено, вакви работи се случуваат на теренот, недоразбирање меѓу нас двајцата. Многу ни е важно играњето. Адреналинот беше висок, но сè решивме, не е првпат ниту последен да се случува вакво нешто. Се извинувам, бидејќи не беше убаво”, изјави Калабрија.

Од друга страна, Консеисао повтори дека вакви работи се случуваат и дека играчите понекогаш се како деца кои се однесуваат несоодветно.