Хари Кејн ќе ги одбие апетитите на Барселона и ќе остане во Баерн

Напаѓачот на Баерн Минхен, Хари Кејн, одлучи да остане во тимот и следната година, информира весникот „Билд“.

Англичанецот има договор до летото 2027 година, но следното лето ќе биде активна неговата откупна клаузула во висина од 57 милиони фунти, што би можело да биде доста примамлива можност за многу од големите тимови во Европа.

Главен фаворит за потписот на Кејн беше Барселона. Сегашниот централен напаѓач на тимот, Роберт Левандовски, има договор кој истекува и многу е веројатно дека следното лето на „Камп Ноу“ ќе бараат нов играч за на врвот на нападот. Според „Билд“, Кејн одлучил дека повеќе би сакал да остане во Баерн, наместо повторно да ја менува средината и многу е веројатно дека ќе се согласи да потпише продолжување на неговиот договор со баварскиот клуб. Англичанецот се има добро приспособено во Германија и се чувствува добро во Минхен со своето семејство, што е една од главните причини што не сака да замине. Хари Кејн игра извонредна сезона и досега има постигнато 28 голови во 23 натпревари од почетокот на сезоната.