Дома Фудбал Гатузо казни седуммина, а двајца посебно го збеснаа: Никогаш повеќе нема да заиграат за Хајдук!

Гатузо казни седуммина, а двајца посебно го збеснаа: Никогаш повеќе нема да заиграат за Хајдук!

Со нетрпение се очекуваше прес-конференцијата на Џенаро Гатузо пред натпреварот со Шибеник, и тоа од добро познати причини.

Откако дојде на клупата на Хајдук, Гатузо казни вкупно седум играчи, и на тој начин јасно стави до знаење дека нема да толерира недисциплина.

Анде Јанков - македонски автор: Тајните на пишување добар крими роман!? ↓↓↓


Прв беше казнет Иван Перишиќ, потоа и Емир Сахити, и двајцата го напуштија клубот до крајот на летниот трансфер период.

Во меѓувреме, санкции добија Диало, Рокас Пукштас и Звонимир Шарлија, но италијанскиот тренер им простуваше и ги враќаше во тимот.

Последни кои добија суспензија се Леон Дајаку и Јасин Бенраху. И за нив, Хајдук стана завршена приказна, што го потврди и харизматичниот Гатузо.

“Прво ќе ви ја објаснам ситуацијата со Дајаку и Бенраху. Пред три месеци ги примив во екипата. Ги следев и, по пет наши разговори, сфатија дека приказната е завршена,” рече Гатузо на прес-конференцијата и продолжи:

“Долги години сум во оваа работа, грбот и маичката на Хајдук заслужуваат почит. Јас како тренер имам свои правила и барам од играчите да го почитуваат тоа. Мислам дека професионалните играчи мора да бидат фудбалери во вистинска смисла.”

“Нивниот пристап мора да биде добар и кога се победува и кога се губи. Играчите во секој момент мора да бидат подготвени да одговараат за своите постапки.”

“Не е на нив да се грижат дали ќе играат. Во секој момент мора да се подготвени за игра. Она што не ми се допаѓа кај играчите е негативноста. Овие двајца играчи внесеа доста негативност.”

“Постојат и други играчи кои се негативни. Додека сум јас тренер, било тоа еден месец или три години, ќе играат и момчињата од 15 години. Подобро ќе изгубам натпревар отколку своето достоинство.”

Коментари
Прочитајте поврзани статии
Load More In Фудбал

Проверете

Арсенал ќе тргне по еден од најбараните во Европа – Шпанецот си ги кажал условите!

Нико Вилијамс од редовите на Атлетик Билбао се очекува да биде еден од најбараните фудбале…