Гатузо го советуваше Милан пред гостувањето на „Максимир“

Динамо в среда ќе го дочека Милан на загрепски Максимир во натпревар од Лигата на шампионите.

Натпреварот го коментираше тренерот на Хајдук, Џенаро Гатузо, за Ла Газета дело Спорт, кој е запознаен со условите во хрватскиот фудбал, а воедно е легенда на Милан.

Истакна дека на Италијанците нема да им биде лесно:

„Станува збор за талентиран тим кој во Хрватска секогаш игра на победа и знае каков пристап треба да има во натпреварите од Лигата на шампионите. Со должно почитување кон Слован од Братислава, гостувањето на Максимир е ниво погоре според тежината“, изјави Гатузо, при што ги истакна играчите на Динамо, Мартин Батурина и Петар Сучиќ.

Го спомена и Фабио Канаваро кој ја презеде тренерската позиција на Динамо:

„Јас добро работам во Сплит, Федерико Копителли си ја врши својата работа во Осиек. Да речеме дека италијанските тренери сега се во мода во Хрватска“, беше коментарот на Гатузо.