Фулам го нокаутира Челси, Њукасл сигурен против Астон Вила (Видео)

„Боксинг деј“ не разочара – шокантен пораз на Челси во финалето на натпреварот, додека Астон Вила по црвениот картон немаше никакви шанси.

Во центарот на вниманието на овие натпревари беше дуелот помеѓу Челси и Фулам. Екипата на Енцо Мареска не успеа да го продолжи одличниот низ, и беше поразена во трилер завршница на „Стемфорд Бриџ“ со 1:2.

Челси поведе во 16. минута од натпреварот преку Кол Палмер по асистенција на Леви Колвил. До крајот на првото полувреме резултатот не се промени.

Изгледаше како Сините да ќе постигнат уште неколку гола, но тоа не се случи. Поточно, голот на Леви Колвил беше поништен поради недозволена позиција, а другите шанси не го пронајдоа патот до мрежата на Бернд Лено.

Промашувањата на „Сините“ ги казни Хари Вилсон во 82. минута од натпреварот кога одлично го искористи додавањето на Тимоти Кастањ.

Потоа следеше голем шок за навивачите на Челси. Имено, Џадон Санчо ја доби одбиената топка и сите мислеа дека ќе биде сигурен гол.

Сепак, Лено и неговиот рефлекс ја одбранија неверојатната шанса и ја испратија топката во корнер.

Во завршницата на натпреварот уште поголем шок и студен туш за навивачите на Челси на „Стемфорд Бриџ“.

Во петтата минута од судиското продолжение Родриго Муниз одлично доби додавање од Саша Лукиќ и погоди за победа на Фулам од 1:2!

Во другиот натпревар Њукасл на „Сент Џејмс Парк“ оствари сигурна победа против Астон Вила со 3:0.