Фернандеш збесна: Не дојдов во Манчестер за да губам натпревари!

Манчестер Јунајтед го бележи најслабиот старт на сезона на домашен терен во изминатите 131 година, откако беше поразен со 1-3 од Брајтон на „Олд Трафорд“.

Капитенот на тимот, Бруно Фернандеш, решително ги отфрли сите сугестии дека ваквите резултати може да се сметаат за нова реалност на клубот.

„Не можеме да го прифатиме ова како нормално. Ја разбирам гледната точка на луѓето однадвор, но ние како тим не смееме да се помириме со ваквите резултати. Ова не е во ред. Не дојдов во Манчестер Јунајтед за да губам натпревари и да бидеме на оваа позиција. Секој од нас мора да преземе одговорност за ситуацијата, вклучувајќи ме и мене. Ако некој мисли поинаку, тогаш тој не треба да биде дел од овој тим,“ изјави Фернандеш.