Европските гиганти го почнуваат „ловот“ на Александар Исак

Веќе со години е еден од најдобрите напаѓачи во англиската Премиер лига, а изгледа дека ова лето конечно би можел да ја промени средината.

Во последните неколку трансфер периоди се споменуваше можен трансфер на Александар Исак во неколку клубови.

Сепак, до тоа не дојде иако во јануари оваа година имаше многу шпекулации. Според пишувањата на медиумите, сега изгледа дека летото во 2025 година ќе донесе конечна промена во неговата кариера.

Пред неколку дена францускиот „РМЦ Спорт“ објави дека Парис Сен Жермен ја подготвил неверојатна понуда за Њукасл за да ги „принуди“ да се откажат од Исак.

Освен „Светците“, за Исак заинтересирани се и клубови од англиската Премиер лига, поточно Ливерпул кој е подготвен да ги собори рекордите на трансфер политиката за да го доведе 25-годишниот напаѓач.

Исто така, шпанските медиуми пишуваат дека и таму има интерес за Исак, со оглед на тоа што Барселона сака да ги доведе во пакет Исак и Сандро Тонали.