Еве колку заработуваат ѕвездите на Манчестер Сити

Ерлинг Халанд не е само најдобро платениот фудбалер на Манчестер Сити, туку и на целата Премиер лига. Според податоците од Capology, објавени се информации за примањата на играчите во англиската елита.

Халанд заработува неверојатни 32 милиони евра годишно, што е значително повеќе во споредба со второпласираниот Мохамед Салах, чиишто годишни примања во Ливерпул изнесуваат 23,8 милиони евра.

Во однос на играчите на Манчестер Сити, Јошко Гвардиол е на десеттото место по висина на заработувачка во клубот, со годишни примања од 11,9 милиони евра. Тоа е 1,3 милиони евра помалку во споредба со Родри, кој воедно е и актуелен освојувач на Златната топка.

Халандовата плата е значително повисока од останатите во тимот. Најблиските до него се Бернардо Силва и Џек Грилиш, кои годишно заработуваат по 18 милиони евра, додека на четвртото место се наоѓа Омар Мармуш со 17,5 милиони евра.