Ендрик без минута кај Алонсо: Бразилецот во јануари ќе „бега“ во Премиер лигата

Младиот бразилски напаѓач Ендрик, кој пристигна како едно од најголемите засилувања на Реал Мадрид, сè уште не добил ниту една минута на официјален натпревар под водство на тренерот Чаби Алонсо.

Иако „кралскиот клуб“ не планира да се откаже од неговите услуги, моменталната конкуренција во нападот не остава простор за младиот талент, па сè посериозно се разгледува можноста тој да биде испратен на позајмица во текот на зимскиот преоден рок.

Според информациите од шпанските медиуми, англискиот Вест Хем е најзаинтересиран да го доведе Ендрик во јануари. Сепак, опција е и останување во Ла Лига, каде што интерес за него покажуваат Валенсија и Реал Сосиедад.