Ел Шаарави е пред разделба со Рома

Напаѓачот на Рома Стефан Ел Шаарави е пред разделба со клубот, јавуваат италијанските медиуми.

Играчот роден во 1992 година се покажува како еден од непотребните во шемата на тренерот Џан Пјеро Гасперини и клубот ќе се обиде да се раздели со играчот уште оваа зима за да отвори простор за нови засилувања.

Од раководството наскоро ќе започнат преговори за раскин на договорот на Ел Шаарави, кој завршува во јуни, пишува “Кориере дело спорт”.

Напаѓачот има сè поограничено играчко време и досега има одиграно само 591 минута во 18 натпревари во сите турнири оваа сезона.