Фудбалската Премиер лига на Англија го предаде Лестер на независна комисија поради наводно прекршување на финансиските правила на Англиската фудбалска лига (EFL) за време на сезоната 2023/24, кога клубот учествуваше во Чемпионшипот, пренесе BBC.
Арбитражното тело исто така потврди дека Премиер лигата нема јурисдикција да го казни Лестер за прекршувањето на правилата за профит и одржливост во сезоната 2022/23, бидејќи клубот на крајот од таа сезона испадна од највисокото ниво на натпреварување.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Сепак, истото тело пресуди дека Премиер лигата има овластувања да истражи потенцијални прекршувања на правилата на EFL за време на сезоната 2023/24.
Независната комисија ќе ги испитува и уште две наводни прекршувања на правилата од страна на Лестер: ненавремено доставување на финансиските извештаи до Премиер лигата до 31 декември 2024 година, како и недоволна и неадекватна соработка со лигата за време на спроведувањето на истрагата.
„Клубот планира целосно и кооперативно да соработува во овој процес, сега кога е потврдена јурисдикцијата на Премиер лигата за пресметковниот период заклучно со финансиската 2024 година“, истакна Лестер, кој оваа сезона повторно испадна во Чемпионшип втор пат во последните три години, во соопштение.
Фото: Принтскрин
Учество во игри на среќа е дозволено за лица со 18+ години. Играј одговорно!