Фудбалската федерација на Македонија, преку својот Дисциплински комитет, ги објави санкциите за Воска по напуштањето на натпреварот против Вардар изминатиот викенд, во рамки на 28-то коло.
Тимот е казнет со губење на бодови и парична казна, додека претседателот Нефи Усеини и тренерот се суспендирани на две години.
Ливерпул викендов може да ја освои титулата во Премиер лига ↓↓↓
Воска изгуби девет бодови во Првата фудбалска лига поради предвременото напуштање на натпреварот против Вардар во 76-тата минута, при резултат 1-1, на стадионот во Охрид. Дополнително, клубот исто така треба да плати 7.500 евра казна за слаба организација и напуштање на натпреварот.
Претседателот Нефи Усеини е суспендиран од било каква функција во фудбалот на две години и треба да плати 1.500 евра затоа што ја повика екипата да го напушти натпреварот. Исто така, тренерот Арбри Клодиан доби двегодишна суспензија, додека капитенот Агон Хали е суспендиран на еден месец.
Воска демонстративно го прекина натпреварот незадоволна од судењето, што резултираше со службена победа на Вардар од 0-3.
Учество во игри на среќа е дозволено за лица со 18+ години. Играј одговорно!