Расправијата со Кевин де Брујне му донесе нов бран критики на Лоренцо Лука. Меѓу најострите беше поранешниот капитен на Вотфорд, Трој Дини, кој во улога на аналитичар на „Си-би-ес Спортс“ упати тешки зборови кон напаѓачот на Наполи.
„Со сета почит, среќен е што воопшто е фудбалер. Тој е еден од најлошите напаѓачи што сум ги видел“, порача Дини.
Лука веќе е под притисок од навивачите и медиумите поради слабата форма. Дополнително внимание привлече неговиот конфликт со Де Брујне при поразот од Порто со 4-1 во Лигата на шампионите, на стадионот „Драгао“.
Дини не можеше да го прифати начинот на кој италијанскиот напаѓач му се обратил на белгискиот соиграч. Според него, Лука го опцул играчот кој освоил сè што може да се освои во фудбалот.
„Престани да гледаш наоколу и да зборуваш, почни да работиш напорно. Можеш да се жалиш или да замолчиш, да си ја завршиш работата и на крајот да ги погледнеш резултатите. Овие играчи премногу зборуваат. Секогаш некој друг им е виновен“, беше пораката на Дини.
Во неделното реми со Лацио од 1-1, Лука влезе од клупата и го принуди Христос Мандас на одбрана, но неговото останување во Наполи е неизвесно. Се очекува во јануари да замине на позајмица. Воедно, Макс Алегри бара нов напаѓач, а меѓу посочените цели е Густаво Варела од Монца.
Фото: Original: Giova36 / Derivative work: Danyele / Wikimedia Commons, CC BY-SA 4.0
Учество во игри на среќа е дозволено за лица со 18+ години. Играј одговорно!