Партизан сè уште не може да смета на комплетен состав, но пред гостувањето на Басконија има и охрабрувачки вести за Жоан Пењароја. За настап во 11. коло од Евролигата во игра се Лука Вилдоза и Дерек Вилис, додека Кеваријус Хејс сигурно ќе го пропушти натпреварот.
Кај Вилдоза важен чекор е отстранувањето на заштитата од повредената шака. Аргентинецот се очекува да се вклучи во тренинзите со полн интензитет, што отвора можност Пењароја да го има на располагање против шпанскиот тим. Неговиот настап, сепак, сè уште не е потврден.
Блиску до враќање е и Дерек Вилис. Последните тренинзи пред средбата треба да покажат дали е подготвен, по што ќе биде донесена конечната одлука за неговото учество.
За Хејс нема таква неизвесност. Американецот мора да мирува поради повредата на рамото што ја заработи против Клуж и нема да биде дел од европскиот дуел.
Во тренажниот процес повторно е и Тоње Џекири, кој се опорави од повредата здобиена против Фенербахче во средината на октомври. Сепак, враќањето на тренинзи не значи и дека центарот е целосно подготвен за натпреварувачки настап, па најверојатно ќе ја прескокне Басконија.
Дуелот меѓу Партизан и Басконија е закажан за среда во 20:45 часот во Белградската арена.
Фото: Telegraf
Учество во игри на среќа е дозволено за лица со 18+ години. Играј одговорно!