Бразилец стана првиот активен тенисер кој призна дека е хомосексуалец – објави фотографија со својот дечко!

Бразилскиот тенисер Жоао Лукас Реис (24) влезе во историјата на белиот спорт како првиот професионален играч кој јавно истапи и призна дека е хомосексуалец.

Имено, 401-от играч на АТП листата ја сподели оваа вест на своите социјални мрежи објавувајќи фотографија со својот дечко, инаку актер и модел Гуи Сампајо Рикардо.

“Среќен роденден. Среќен живот. Те сакам многу”, напиша Реис кој во својата кариера беше најдобро рангиран како 259-ти играч во светот.

Купот „Прокопио“ ќе биде првиот турнир што ќе го игра како тенисер кој јавно призна дека е хомосексуалец, а победникот на него ќе добие “вајдл карта” за квалификациите за АТП 500 во Рио.