Бомбастична најава: Дали Пеп Гвардиола ќе дојде во Милан?

Сѐ поголеми се шансите дека Сержо Консеисао ќе ја напушти клупата на Милан, а управата на клубот веќе ја има на ум неговата замена.

Росонерите се само на деветтото место на табелата во Серија А, со пет бодови заостанување зад екипите кои се на позиции што водат во европските натпреварувања, поради што челниците на клубот не се задоволни.

Поради сите наведени причини, во Милан сериозно размислуваат да го сменат тренерот по завршувањето на тековната сезона.

Веќе имаат таргетиран наследник на португалскиот тренер, а „Газета дело Спорт“ и „Кориере дело Спорт“ наведуваат дека Пеп Гвардиола може летово да се пресели на „Сан Сиро“.

Доаѓањето на Шпанецот во Милан е можен ако Фабио Паратити, со кого Гвардиола има добри односи, стане новиот спортски директор на клубот. Наводно е постигнат усен договор меѓу Паратити и Милан за соработка од следната сезона.

Фаворит за улогата на нов тренер на Милан, сепак, според изворите, останува Роберто Де Зерби од Марсеј. Италијанскиот стручњак го водеше Брајтон со кој постигна одлични резултати, освојувајќи место во Лигата на Европа, каде стигна до четвртфинале.

Де Зерби е од минатото лето во Марсеј, кој во моментов е на третата позиција во Лига 1 Франција.