„Бомба“ од Англија: Белингам во спектакуларен трансфер може да се врати во Премиер лигата!

Јануари несомнено ќе донесе неколку возбудливи трансфери, а еден од нив би можел да биде и на Џоб Белингам.

Во текот на летото го напушти Сандерленд и кариерата реши да ја продолжи во германскиот гигант од Дортмунд.

Тимот од Германија плати над 30 милиони евра за неговите услуги, но не наиде на идеално прилагодување како што се очекуваше.

Од доаѓањето во Германија, Белингем има одиграно само 301 минута во девет натпревари.

Оваа недела се појавија информации дека Белингем има семејни проблеми, што влијае на неговата игра на теренот.

Англиските медиуми информираат дека Белингем не може да се вклопи во тимот, нити да најде нови пријатели.

Главниот проблем е што премногу време поминува сам дома, а семејните притисоци се одразуваат и на неговата игра.

Воедно, се зборува и дека таткото на Белингем, Марка, бил лут кога неговиот син беше заменет во ремито против Ст. Паули, по што имало конфликт со раководството на клубот.

Се шпекулира дека Белингем сака да се врати во Англија, а два тима се подготвени да го примат со отворени раце.

Еден од трансферите би бил навистина спектакуларен, бидејќи, според новинарите од BILD, Манчестер Јунајтед сака да го потпише овој талентиран фудбалер.

Рубен Аморим го почитува стилот на игра на Белингем и мисли дека би се вклопил совршено во визијата на Манчестер Јунајтед.

Покрај Манчестер Јунајтед, и Кристал Палас се заинтересирани за Белингем, особено доколку Уортон го напушти Селхрст Парк.

Кога станува збор за Дортмунд, нивниот следен натпревар е во Бундеслигата против Баерн на Алианц Арена.