Бек од Тунис потпиша за Еурофарм Пелистер 2

Ракометарниот клуб Пелистер 2 ангажира ново засилување, а станува збор за талентираниот бек од Тунис, Мохамед Азис.

Азис е висок 195 сантиметри кој во Битола доаѓа од редовите на Клуб Американ од Тунис. Африканецот има 21 година и во последната сезона играл на позајмица во Грмда.

„Нашето ракометно семејство е побогато за уште еден млад член. Еден од најталентираните туниски ракометари, Мохамед Азис Бен Мафуд, е нов член на Еурофарм Пелистер 2. Се работи за лев бек, висок 195 сантиметри и тежок 95 килограми. Мафуд има 21 година и доаѓа во Македонија од Клуб Американ од Тунис. Последната сезона ја мина на позајмица во Грмда“, соопшти Пелистер.