Барселона го пушта „наследникот на Меси“ – целосно бесплатно!?

Лионел Меси е легенда на Барселона, а многумина се обидоа да го наследат, но не им одеше најдобро. Барселона сега еден од нив би можела бесплатно да го пушти, само за да се ослободи од него.

Во 2021 година, кога Леонел Меси веќе не беше дел од редовите на Барселона, се случи еден преседан.

Тогаш Ансу Фати во клубот од Каталонија го презеде дресот со број 10 и дополнително потврди зборовите кои го нарекуваа новиот, односно наследник на Лео Меси.

Сепак, овој 22-годишен играч никогаш не ги оправда тие очекувања и се соочи со големи проблеми со повреди.

Медиумите во Шпанија сега пренесуваат дека Барселона ја изгубила трпеливоста и дека е уморна од чекање на Ансу Фати да се покаже.

„Барса Универсал“ објави дека за него постои интерес од Саудиска Арабија, што не е изненадувачки бидејќи во оваа земја сега купуваат и sвезди и помалку познати играчи.

Но, интересно во наводите на споменатиот медиум е тоа што Барселона би го пуштила дури и бесплатно, само за да се откаже од него.