Барса со пресврт го победи Овиедо

Во натпревар од 6. коло на шпанската Ла Лига, Реал Овиедо ја пречека Барселона, која тешко, но заслужено славеше со 3:1.

Домаќинот пружи силен отпор во фантастична атмосфера, а мечот започна така што Овиедо изведе четири корнери и постојано беше опасност за голот на Каталонците.

Рашфорд се заканува во 10. минута, но Аарон брилијантно брани. Потоа, Рафинја со удар од 25 метри ја погоди стативата, топката оди до Араухо, а Аарон го спасува Овиедо повторно. Овиедо поведе во 33. минута, кога Реина погоди и ги подигна сите на нозе.

Во продолжение пресврт на Барселона. Веќе на полувремето во игра влегува Френки де Јонг, а во 56. минута Ерик Гарсија изедначува на 1:1.

[twitter]https://x.com/tekkersfoot/status/1971315250814497095[/twitter]

Потоа во 65. минута влегува Левандовски, а искусниот Полјак само пет минути по влезот на асистенција од Де Јонг погодува за 2:1 и ја донесува големата победа на Барса. Сè потврдува Араухо со гол во 88. минута.

За Барса ова беше петта победа во лигата и повторно е на два бода зад Реал Мадрид, кој останува единствен со максимален учинок по шест кола.