Баерн пронајде идеална замена за Хари Кејн?

Баерн Минхен не може без Хари Кејн, но Англичанецот не може да игра на секој натпревар и затоа му е потребна соодветна замена во ротацијата.

Како што пренесува „Билд“, тоа би можел да биде – Џонатан Дејвид!

Канаѓанецот летово станува слободен играч бидејќи му истекува договорот со Лил и нема да потпише нов.

Многу клубови го следат, најчесто се споменуваше Барселона, а дури и самиот Дејвид јавно изјави дека неговиот сон е да игра за каталонскиот клуб.

И да замине во Барселона, таму исто така би го чекала улога од клупата, бидејќи Роберт Левандовски сè уште е број еден за Ханси Флик, па практично истата улога му ја нуди и Баерн.

Сепак, разликата е во тоа што Баерн е во многу подобра финансиска позиција и сигурно му нуди подобри услови и бонуси за потпис на договор.

Дејвид е свесен дека во ниту еден голем клуб не може да очекува веднаш да биде стартер, откако доаѓа од Лил, затоа е многу важно да ја избере вистинската средина.

Баерн сигурно му нуди борба за трофеи, но и значително помала минутажа во клучните натпревари, кога Кејн е здрав.