Баерн може да изгуби еден од клучните фудбалери, Арсенал започнал преговори!

Џошуа Кимих, играч од средниот ред на Баерн Минхен, може да стане слободен играч на крајот од оваа сезона, бидејќи преговорите за продолжување на договорот меѓу него и клубот се заглавија.

Баерн, според пишувањата на германските медиуми, ја повлече својата понуда за нов договор поради оклевањето на Кимих да потпише.

Оваа ситуација привлече внимание на неколку врвни европски клубови, вклучувајќи ги Арсенал, Ливерпул, Манчестер Сити, Реал Мадрид и Барселона, кои се заинтересирани за доведување на Кимих без обештетување.

Nach Informationen von Sky hat der FC Arsenal in den vergangenen Tagen seine Bemühungen um Joshua Kimmich intensiviert und konkrete Gespräche geführt. 🚨

↪️ Die Gunners möchten den 30-jährigen Mittelfeldspieler im Sommer ablösefrei verpflichten. Grund dafür ist, dass… pic.twitter.com/XZhfSyWHTm

— Sky Sport (@SkySportDE) February 28, 2025

Сепак, во овој момент, се чини дека одличниот фудбалер е првата мета на Арсенал кои бараат засилувања во средниот ред, имајќи ги предвид можните заминувања на Томас Парти и Жоржино, и тие „Топџиите“ веќе започнаа сериозно да ја испитуваат ситуацијата.

Иако Кимих беше клучен играч за Баерн и под тренерската палка на Винсент Компани, несигурноста околу неговиот договор отвора можност за негово заминување.

Останува да се види дали Баерн и Кимих ќе постигнат договор или тој дефинитивно ќе побара нова средина во некој од заинтересираните клубови, но секако нè очекува интересно лето кога станува збор за продолжување на кариерата на Џошуа Кимих.