Според најновите информации од Шкотска, македонскиот репрезентативец Давид Бабунски, кој неодамна се раздели со Данди Јунајтед, е на чекор до потпис со Абердин.
Како што пренесуваат медиумите, поранешниот клуб на Бојан Миовски е во завршна фаза од преговорите со офанзивниот играч, а официјалната потврда се очекува во најскоро време.
ВАР во македонскиот фудбал – Разговор со Дејан Јакимовски | Уште еден поткаст
Бабунски се раздели со Данди по само една сезона, откако претходно пристигна од унгарскиот Мезоковешд. За шкотскиот тим одигра 20 натпревари, постигнувајќи еден гол и една асистенција.
Во својата кариера, 30-годишниот фудбалер има настапувано и за Дебрецен, Вторул, Ботошани, Омја, Јокохама, Црвена звезда, а своите први фудбалски чекори ги направи во младинските категории на Барселона. За репрезентацијата на Македонија има запишано 18 настапи.
Учество во игри на среќа е дозволено за лица со 18+ години. Играј одговорно!