Тренерот на Реал Мадрид, Алваро Арбелоа, зборуваше пред медиумите пред утрешното гостување против Осасуна во Ла Лига. “Белите” водат со 2 поени пред Барселона, но главната тема на прес-конференцијата беше расистичкиот скандал што се случи неделава во Лисабон, каде што Винисиус Жуниор го обвини играчот на Бенфика, Џанлука Престиани, дека бил наречен “мајмун”.
“Важното е да се бориме против вакви манифестации, на кои бевме сведоци. Тоа е неприфатливо и нема да го толерираме. Ќе се спротивставиме на секого. Ова е уште поважно кога се работи за колега. Ништо не може да го оправда. Винисиус беше тажен, како и сите ние. Тој беше многу вознемирен. Овој расистички акт не сакаме да се повтори никогаш повеќе и за него нема место во нашето општество. Имаме можност да се бориме против ова.
Спорт што не познава граници - Street Workout Macedonia | Уште еден поткаст
Ако Винисиус кажеше дека нема да продолжи да игра, ќе го следевме еден по еден. Нема титула која би ме направила толку горд колку што се почувствував во вторник заради другарството што сите го покажавме.
Не можам да замислам низ што тој поминува. Добивал сум навреди, но никогаш за бојата на кожата. Откако ја презедов функцијата, Винисиус е сензационален. Решава натпревари, постигнува неверојатни голови. Тој е човек кој не се плаши од ништо, е бесстрашен. Ние го поддржуваме, сме со него. Тој е способен да го остави зад себе сето она што се случи во Лисабон и да се соочи со следниот натпревар со максимален професионализам,” рече тренерот на Реал.
Учество во игри на среќа е дозволено за лица со 18+ години. Играј одговорно!