Ансу Фати оваа зима одби четири понуди, сега е лут на Барселона?

Каталонските медиуми го разгледуваат неговиот статус и истакнуваат дека Ансу Фати направи најголем проблем со одлуката да не го напушти клубот зимава.

Имено, Фати наводно имал четири примамливи понуди, меѓу нив и од Саудиска Арабија, но ги одбил во желба да се наметне на Ханси Флик.

Неверојатен податок е дека, иако Фати е целосно здрав, последните минути во дресот на Барселона ги запиша на 4 јануари во Купот на кралот против понизок ранг тимот Барбастра.

Ханси Флик му порача неколку пати дека мора да го промени пристапот кон тренинзите, што Шпанецот и го направи, но конкуренцијата е преголема.

Имено, неговиот татко преку агентот Жорж Мендеш изјави дека се изразито лути што Фати не добива шанса и што е тек шеста или седма опција во нападот кај Ханси Флик, па сега разделбата е неизбежна.

Објективно, Феран Торес и Фермин Лопес го направија својот дел од задачата како играчи во ротација, од клупата, и јасно е дека за Фати нема место дури ни меѓу замените.

Уште потажен е податокот дека пазарната вредност на Трансфермаркт денес е само 10 милиони евра, иако има само 22 години и некогаш беше најголемиот дијамант на Барселона. 

Фати има договор до летото 2027 година и е меѓу најплатените во тимот, па не е чудо што Барселона сака да се ослободи од него по секоја цена…