Анчелоти пред важна одлука – ќе прифати предизвик каков што немал досега во кариерата!?

Фудбалската федерација на Бразил се подготвува за се или ништо и сака Карло Анчелоти на клупата за Светското првенство 2026 година!

Веќе беше најавено такво нешто, а сега стигна и потврда од најдоверливите бразилски и шпански медиуми, а последната информација гласи – Карло Анчелоти не ја исклучува можноста да го преземе Бразил!

Извори пишуваат дека во Бразил се подготвуваат за отказ на селекторот Доривал, кој сигурно нема да ја води репрезентацијата на Светското првенство. Анчелоти е планот А, се споменува дури и Фелипе Луис, кој блеска на почетокот на својата кариера на клупата на Фламенго.

Сепак, Бразилците го чекаат Анчелоти, кој сега не ја исклучува можноста за преговори, бидејќи е свесен дека ако не освои трофеј до крајот на сезоната, во Реал никој нема да му гарантира останување.