Со нетрпение се очекуваше прес-конференцијата на менаџерот на Манчестер Јунајтед, Рубен Аморим пред натпреварот со Барнли во Премиерлигата, по срамотниот пораз и испаѓањето од Лига купот на Англија од четвртолигашот Гримзби.
Аморим по таа катастрофа беше емотивен, изјавувајќи дека многу работи во клубот мораат да се променат.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Пред новиот предизвик во Премиерлигата, тој рече дека не се кае за малку построгата критика кон своите играчи и дека е сосема нормално понекогаш да ги мрази.
„Секој пат кога ќе загубиме на тој начин, ќе реагирам исто. Понекогаш ќе кажам дека ги мразам играчите, понекогаш дека ги сакам. Понекогаш ги бранам. Сето тоа зависи од исходот. Така работам. Сите ми велат дека морам да бидам посмирен пред медиумите, но не можам да бидам таков“, изјави Аморим.
Додаде и дека неговите визии за иднината во Јунајтед често се менуваат.
„Понекогаш мислам дека сакам веднаш да се повлечам, а понекогаш се гледам во клубот уште 20 години. Во одредени ситуации не сакам да бидам опкружен со моите играчи, а тоа е нешто што морам да го променам“, рече Аморим.
Јунајтед во третото коло од Премиерлигата од 16 часот игра со Барнли на домашен терен и е под голем притисок, бидејќи во првите две кола освои само еден бод.
Фотографија: Grok AI
Учество во игри на среќа е дозволено за лица со 18+ години. Играј одговорно!