Aморим кажа дека целта на Манчестер јунајтед е титулата, Руни брутално му возврати

Менаџерот на Манчестер јунајтед Рубен Аморим одговори на легендата на клубот Вејн Руни, кој го нарече „наивен“ поради изјавата дека целта е титулата во Премиер лигата.

На таа изјава веднаш реагираше Руни, кој по неколку неуспешни тренерски ангажмани сега работи како стручен консултант во емисијата „Меч на денот“ на „Би-Би-Си“.

Легендарниот „Ваза“ смета дека Аморим треба да се фокусира на краткорочни цели кои ќе му го зачуваат работното место.

„Мислам дека е малку наивно да зборуваш како сакаш да ја освоиш Премиер лигата со оглед на тоа каде се сега, далеку се од такво нешто“, рече Руни.

„Мислам дека ќе имаат време, но тоа нема да биде бесплатен обид, бидејќи се очекува повеќе од Манчестер јунајтед во споредба со ова што го гледаме откако тој е таму. Вели освојување на Премиер лигата, како можат да се натпреваруваат? Напредување на табелата, мислам дека тоа е следниот чекор за нив“.