Саудискиот Ал-Хилал му даде рок од 72 часа на Бруно Фернандеш, во кој Португалецот треба да го даде конечниот свој одговор дали ќе ја прифати примамливата понуда која му беше дадена.
Клубот од Ријад му понуди четирипати поголема плата на играчот од средниот ред. Понудата кон него е за чиста неделна плата од 700 000 фунти. Со бонусите, Бруно може да добие вкупно 200 милиони за три години, ако ја прифати.
Goblin Games - Индустријата за Board Games е во огромен подем! ↓↓↓
Во случај одговорот на капитенот на „црвените ѓаволи“ да е позитивен, Ал-Хилал ќе поднесе официјална понуда до Манчестер Јунајтед, која според „Дејли Мејл“ ќе биде околу 100 милиони фунти.
Ал-Хилал сака да го донесе Фернандеш пред Светското клупско првенство следниот месец. Тој е приоритет број 1 на клубот. Како алтернативи се размислуваат за Јури Тилеманс од Астон Вила или Едерсон од Аталанта.
По последниот натпревар од сезоната, капитенот на Јунајтед изјави: „Ако клубот мисли дека е време да се разделиме, затоа што сака да добие добри пари, така е. Фудбалот понекогаш е таков. Секогаш сум кажувал дека сум тука, додека клубот не ми каже дека е време да си заминам.”
Учество во игри на среќа е дозволено за лица со 18+ години. Играј одговорно!