Агентот на Нејмар откри каде Бразилецот ја продолжува кариерата

Викендов фудбалската јавност беше изненадена од веста дека Нејмар постигнал договор со својот поранешен клуб и дека наскоро ќе раскине со Ал-Хилал.

Сепак, Фабрицио Романо пренесува дека надежите за враќање на Нејмар во неговиот роден клуб се само лажни информации и ги пренесува зборовите на агентот Пини Захави.

„Нема преговори за заминување на Нејмар од Ал Хилал. Тој е под договор и е многу среќен таму“, изјави Захави, еден од најценетите менаџери.

„Таткото на Нејмар и јас сме единствените луѓе кои можеме да зборуваме за иднината на Нејмар. Не знам од каде доаѓаат неодамнешните гласини“.