Aлегри потврди: Дибала и Роналдо ќе играат утре

Тренерот на Јувентус, Масимилијано Алегри потврди дека утре против Болоња ќе играат Роналдо и Дибала.

„Бјанконерите“ имаа згуснат распоред и во овој период играат натпревари на секои три дена, а после утрешниот натпревар против Болоња следи натпревар против Наполи, а во текот на наредната недела ги очекува Јанг Бојс во Лигата на шампионите.

„Роналдо поради суспензијата нема да игра против Јанг Бојс во вторник, но ќе игра против Болоња и Наполи. Дибала? Да, ќе игра. Против Фросиноне одлично си ја заврши работата и мора да игра“, изјави Алегри.

Стретегот на Јувентус најави и неколку промени, па така ќе брани Перин, Киелини ќе одмара, а под знак прашалник е и настапот на Алекс Сандро, додека од првата минута шанса би можел да добие Брзаљи.

Јувентус и Болоња се сретнуваат утре со почеток во 20:45 часот.