Мурињо испрати понуда за Ковачиќ, но…

Раководството на Манчестер Јунатед испратило официјална понуда за плејмејкерот на Реал Мадрид Матео Ковачиќ, пренесува „Марка“.

Весникот кој е близок до „кралскиот“ клуб откри и детали од понудата и тврди дека „црвените ѓаволи“ понудиле 60 милиони евра за потписот на Ковачиќ.

Меѓутоа „Марка“ тврди дека самиот Ковачиќ не сака трансфер на „Олд Трафорд“ бидејќи смета дека стилот на игра на „црвените ѓаволи“ не е погоден за него.

Ковачиќ сака да го напушти Реал Мадрид бидејќи сака поголема минутажа. Англиските медиуми пренесуваат дека Челзи исто така стапил во контакт со Хрватот и сака да го донесе на „Стенфорд Бриџ“.

„Марка“ тврди дека новиот тренер на „кралевите“, Лопетеги ќе се обиде да го убеди Ковачиќ да остане бидејќи во него гледа идеална замена за Модриќ и иден носител на играта на Реал Мадрид.